საქართველოს ეროვნული არქივი

home

საქართველოს პირველი დემოკრატიული რესპუბლიკა

საქართველოს იუსტიციის სამინისტროს ეროვნულმა არქივმა 2015 წელს საფუძველი ჩაუყარა საგანმანათლებლო პროექტს „საქართველოს პირველი დემოკრატიული რესპუბლიკა“.

2014/2015 - 2016/2017 სასწავლო წლებში გამართულმა პროექტმა დიდი დაინტერესება გამოიწვია საზოგადოებაში, თავდაპირველად პროექტში მხოლოდ თბილისის სკოლები მონაწილეობდნენ, რასაც 2016-2017 წლებში დაემატა რუსთავის, მცხეთის, გორის, კასპისა და დუშეთის სკოლები. 2017-2018 სასწავლო წელს ეროვნულმა არქივმა გადაწყვიტა, რომ პროექტმა მოიცვას მთელი საქართველოს სკოლები.

პროექტი საქართველოს პირველი დემოკრატიული რესპუბლიკა შემდეგ ეტაპებად დაიყოფა: 1) განათლების სამინისტროს რესურსცენტრების დახმარებით გავრცელდება ინფორმაცია სკოლებში პროექტის შესახებ. ამავდროულად ინფორმაცია განაცხადების მიღებისა და საკონკურსო პირობების შესახებ დაიდება ეროვნული არქივის საიტზე; 2) განსაზღვრულ ვადაში პროექტში მონაწილეობის მსურველი სკოლები შეავსებენ სპეციალურ ანკეტებს და გააგზავნიან მითითებულ ელ-ფოსტაზე; 3) პროექტში დარეგისტრირების ვადის ამოწურვის შემდეგ, დარეგისტრირებულ სკოლებს ელექტრონულად გაეგზავნებათ ვიქტორინისათვის მოსამზადებელი ლიტერატურა და ვიქტორინის დებულება; 4) ვიქტორინის ნახევარფინალური ეტაპი რა? სად? როდის? თამაშის პრინციპით ერთდროულად ჩატარდება თბილისსა და ქუთაისში. ამ ეტაპზე გამოვლინდება ფინალში მონაწილე, საქართველოს მასშტაბით 50 ყველაზე მაღალქულიანი სკოლა; 5) ფინალური ეტაპი ჩატარდება თბილისში. გამოვლინდება სამი გამარჯვებული სკოლა და გაიცემა სპეციალური პრიზები სხვადასხვა ნომინაციაში.

პროექტში მონაწილეობის მიღება შესაძლებელია ზოგადსაგანმანათლებლო სკოლების VIII-XII კლასის მოსწავლეებისათვის.

ვიქტორინა გაიმართება სკოლების მიერ  წარმოდგენილ გუნდებს შორის გამართული შეჯიბრის ფორმით. თამაშში მონაწილეობას მიიღებენ, კაპიტნების ჩათვლით, ხუთ-ხუთი მოთამაშისგან დაკომპლექტებული გუნდები. გუნდებს სურვილისამებრ აქვთ უფლება ჰყავდეთ ერთი სათადარიგო მოთამაშე, რაც შევსებულ ანკეტაში წინასწარ უნდა იყოს მითითებული.   ღონისძიებას დაესწრებიან და შეაფასებენ ჟიურის წარმომადგენლები. ჟიურის მიერ ქულების შეჯამების პროცესი იქნება სრულიად გამჭვირვალე. ვიქტორინის გამარჯვებულები გამოვლინდებიან სხვადასხვა ნომინაციაში (გამარჯვებული სკოლა, საუკეთესო მოთამაშე, მეორე ადგილი, მესამე ადგილი ...).

ღონისძიებაში გამარჯვებულები დაჯილდოვდებიან პრიზებითა და სიგელებით.

პროექტის მოსამზადებელი ეტაპის დაწყება იგეგმება 2017 წლის დეკემბერში, ღონისძიების დასკვნითი ეტაპი გაიმართება 2018 წლის მაისში.

ვადები:

 

პროექტში მონაწილეობის მისაღებად გთხოვთ გაიაროთ რეგისტრაცია.

სარეგისტრაციო ანკეტა - 2018 წლის 25 თებერვლამდე ელექტრონული ფოსტის შემდეგ  მისამართზე:

dsilakadze@archives.gov.ge  nbadashvili@archives.gov.ge;      

დამატებითი ინფორმაციისათვის დაგვიკავშირდით:

ტელ:  (0322) 372803  საქართველოს ეროვნული არქივის სამეცნიერო განყოფილება  

მობ: 598-50-97-45  დიმიტრი სილაქაძე

მობ.: 571 775 774    ნინო ბადაშვილი

 

იხილეთ მასალა, რომლის საფუძველზეც მომზადდება კითხვები ვიქტორინისთვის:

1. საქართველოს პირველი დემოკრატიული რესპუბლიკა  პრეზენტაცია.

2. ალექსანდრე ბენდიანიშვილი, „საქართველოს პირველი რესპუბლიკა“ (1918-1921) -  თავები: 346.

3. „საქართველოს პირველი რესპუბლიკა“, თბილისი, 2015. 

4. ფირუზ ქაზემზადე, "ბრძოლა ამიერკავკასიისთვის" (1917-1921)

 

ჩვენი სერვისები

ყველა სერვისი
იანვარი 612