საქართველოს ეროვნული არქივი

home

კალენდარი

18.04.2018 პირველი რესპუბლიკის გამოფენა გურჯაანის იუსტიციის სახლში

საქართველოს იუსტიციის სამინისტროს ეროვნული არქივი საქართველოს პირველი დემოკრატიული რესპუბლიკის თემაზე რეგიონებში გამოფენებს აგრძელებს. დღეს 1918-1921 წლების ისტორიის ამსახველი ექსპოზიცია გურჯაანის იუსტიციის სახლში გაიხსნა.

14.04.2018 წერა-კითხვის გამავრცელებელი საზოგადოების წევრთა ელექტრონული საძიებელი შეიქმნა

„ქართველთა შორის წერა-კითხვის გამავრცელებელი საზოგადოების“ წევრების ელექტრონული საძიებელი, რომელიც საქართველოს ეროვნული არქივისა და საქართველოს პარლამენტის ეროვნული ბიბლიოთეკის თანამშრომლობით შეიქმნა, საზოგადოებას დედაენის დღეს პროექტის ავტორმა, ეროვნული ბიბლიოთეკის საბიბლიოთეკო რესურსების დეპარტამენტის დირექტორმა ლევან თაქთაქიშვილმა წარუდგინა.

13.04.2018 ანონსი - ელექტრონული საძიებლის პრეზენტაცია

14 აპრილს, 13:00 საათზე,  ეროვნული არქივის საგამოფენო პავილიონში გაიმართება „ქართველთა შორის წერა-კითხვის გამავრცელებელი საზოგადოების“ წევრების ელექტრონული საძიებლის პრეზენტაცია. პროექტი საქართველოს ეროვნული არქივისა და საქართველოს პარლამენტის ეროვნული ბიბლიოთეკის თანამშრომლობით განხორციელდა.

17.03.2018 თბილისს საქართველოს ეროვნული არქივის კინოდარბაზი შეემატება

საქართველოს იუსტიციის მინისტრის ინიციატივით იუსტიციის სამინისტროს ეროვნული არქივის ძველ კინოდარბაზს რეკონსტრუქცია ჩაუტარდა. 25-წლიანი პაუზის შემდეგ ეროვნული არქივის კინოდარბაზი 10 აპრილს ოფიციალურად გაიხსნება, დღეს კი, კინოდარბაზის პრეზენტაცია ექსკლუზიურად მოეწყო კინოს სფეროს სხვადასხვა თაობის მოღვაწეებისათვის, ასევე, იმ რეჟისორებისა და რეჟისორთა შთამომავალთათვის, რომელთა ნამუშევრებსაც ეროვნული არქივი ინახავს. სტუმრებს საქართველოს იუსტიციის მინისტრმა თეა წულუკიანმა უმასპინძლა. 

15.03.2018 ახალციხეში არქივის შენობის სამშენებლო სამუშაოებისას მე-18-მე-19 საუკუნეების შენობის არქეოლოგიური ნაშთები აღმოჩნდა

ახალციხეში, სამცხე-ჯავახეთის რეგიონული არქივის შენობის გვერდით, მისი გაფართოების მიზნით დაწყებული მიწის სამუშაობისას, მე-18-მე-19 საუკუნეების შენობის არქეოლოგიური ნაშთები აღმოჩნდა. 

16.01.2018 სტუდენტური პროექტი - საქართველოს პირველი რესპუბლიკის ისტორიის კვლევა

საქართველოს იუსტიციის სამინისტროს ეროვნული არქივის მიერ გამოცხადებული კვლევითი პროექტი - „საქართველოს პირველი რესპუბლიკის ისტორიის კვლევა“ - დაიწყო.

29.12.2017 ეროვნული არქივის დოკუმენტების რესტავრაცია 2017 წელს

საქართველოს იუსტიციის სამინისტროს ეროვნული არქივის დოკუმენტების რესტავრაციის ლაბორატორიაში 2017 წლის განმავლობაში სარესტავრაციო და საკონსერვაციო სამუშაოები ჩაუტარდა: 22 126 ქაღალდისა და 48 ეტრატის ფურცელს, 1196 ფოტოპოზიტივს, 16 რუკას, 86 ტექნიკურ ნახაზს, 5 აფიშას, 136 გაზეთს, 1 წიგნსა და სხვა საარქივო მასალას.

29.12.2017 ეროვნული არქივის სტუდენტურ სამეცნიერო-კვლევით პროექტს სამი მონაწილე ჰყავს

საქართველოს იუსტიციის სამინისტროს ეროვნული არქივის მიერ გამოცხადებულ სტუდენტურ სამეცნიერო-კვლევით პროექტში მონაწილეობისათვის სამი სტუდენტი შეირჩა: თსუ-ის ჰუმანიტარული ფაკულტეტის ისტორიის მიმართულების ბაკალავრიატის მეორე კურსის სტუდენტი გიორგი ჯავახიშვილი, თსუ-ის ჰუმანიტარული ფაკულტეტის ფილოლოგიის მიმართულების მაგისტრანტი კონსტანტინე გოგიბერიძე და თსუ-ის ეკონომიკისა და ბიზნესის ფაკულტეტის ეკონომიკის ბაკალავრიატის პირველი კურსის სტუდენტი ნიკოლოზ სეფიაშვილი. 

20.12.2017 იუსტიციის მინისტრმა კომიტეტების გაერთიანებულ სხდომაზე ეროვნული არქივის საქმიანობაზე ისაუბრა

„ჩვენ წელს შევძელით და UNESCO-ს მსოფლიო მეხსიერების რეესტრში შევიტანეთ ქართული სახარება-პალიმფსესტი, რომლის პირველი შრე მე-9 საუკუნისაა“, - განაცხადა იუსტიციის მინისტრმა თეა წულუკიანმა პარლამენტის კომიტეტების დღევანდელ გაერთიანებულ სხდომაზე ეროვნული არქივის საქმიანობის შეჯამებისას. 

10.11.2017 ეროვნული არქივი ახალ სტუდენტურ სამეცნიერო-კვლევით პროექტს იწყებს

მეცნიერების საერთაშორისო დღეს საქართველოს იუსტიციის სამინისტროს ეროვნული არქივი კიდევ ერთი სამეცნიერო პროექტით აღნიშნავს. საქართველოს პირველი რესპუბლიკის 100 წლის იუბილეს ფარგლებში ეროვნული არქივი იწყებს სტუდენტურ სამეცნიერო-კვლევით პროექტს საქართველოს პირველი რესპუბლიკის თემაზე.

25.10.2017 ეროვნული არქივის მეორე საერთაშორისო კონფერენცია გაიხსნა

საერთაშორისო კონფერენცია - „არქივთმცოდნეობა, წყაროთმცოდნეობა - ტენდენციები და გამოწვევები“ საქართველოს იუსტიციის სამინისტროს ეროვნული არქივის საგამოფენო პავილიონში დღეს ეროვნული არქივის გენერალურმა დირექტორმა თეონა იაშვილმა, ხელნაწერთა ეროვნული ცენტრის ხელმძღვანელმა ზაზა აბაშიძემ და გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრის დირექტორმა მარიკა დიდებულიძემ გახსნეს.

23.10.2017 ეროვნული არქივის საგამოფენო პავილიონს საბერძნეთის ელჩი ეწვია

საქართველოს იუსტიციის სამინისტროს ეროვნული არქივის საგამოფენო პავილიონს დღეს საბერძნეთის ელჩი საქართველოში დიმიტრიოს კარაბალისი ეწვია.

06.10.2017 კოტე მიქაბერიძისადმი მიძღვნილი გამოფენა ეროვნული არქივის პავილიონში

იუსტიციის სამინისტროს ეროვნული არქივის საგამოფენო პავილიონი დღეიდან ორი კვირის განმავლობაში გამოფენას - „კოტე მიქაბერიძე“ - მასპინძლობს.

02.10.2017 ეროვნული არქივი თბილისის ოპერისა და ბალეტის სახელმწიფო თეატრის სპექტაკლების აუდიო-ვიდეო ჩანაწერებს შექმნის

საქართველოს იუსტიციის სამინისტროს ეროვნული არქივი თბილისის ოპერისა და ბალეტის სახელმწიფო თეატრის სპექტაკლების აუდიო-ვიდეო ჩანაწერებს შექმნის. 

05.09.2017 პოლონეთის ეროვნული მეხსიერების ინსტიტუტის დელეგაცია ქუთაისის არქივში

პოლონეთის ეროვნული მეხსიერების ინსტიტუტის დელეგაცია ეროვნული არქივის  ქუთაისის ცენტრალურ არქივს ესტუმრა. 

სტუმრებმა არქივში დაცული პოლონეთთან დაკავშირებული ისტორიული დოკუმენტები და საქართველო-პოლონეთის ურთიერთობის ამსახველი მასალები დაათვალიერეს. 

ჩვენი სერვისები

ყველა სერვისი
თებერვალი 612